Сантехникийн материал чанаргүйгээс үүдэн ус алдаж, үүнээс шалтгаалан барилгын чанар, насжилтад ихээр нөлөөлдөг. Тиймээс төсөл хэрэгжүүлэгчид, хэрэглэгчид материалаа сонгохдоо “чанар” - ыг эрхэмлэж авах нь чухал болоод байна. Энэ талаар “Эган Монкор” ХХК - ийн ерөнхий захирал Л.Оюунжаргалтай ярилцлаа.

Сантехникийн материал нь барилгынхаа хийц бүтээц, насжилтад хэрхэн нөлөөлдөг вэ? 

Сантехникийн систем бол  яалт ч үгүй барилгын  амин судас нь мөн. Энэ систем нь гэмтэх эсвэл ажиллагаагүй болвол тухайн барилга нь аажимдаа хүн ажиллаж амьдрах боломжгүй болж  хэнд ч хэрэгцээгүй  нэгэн балгас болон хувирна. Хүн амьтны бие махбодь  ч бас  цусан хангамжгүй  бол  эд эрхтэнгүүд  нь үхэждэг. Яг үүнтэй  адил шүү дээ. Мэргэжлийн хэллэг ойлголтоор бол сантехник бол “Барилгын эрүүл ахуйн техник” юм. Хэрэв энэ систем нь эвдэрч гэмтвэл тухайн барилгад  “Эрүүл ахуй” гэж байхгүй болно гэсэн үг. 

Цаашлаад  барилгын хийц бүтээцийн чанарт хамгийн их нөлөөлдөг зүйл бол сантехник. Энэ нь   сантехникийн гэмтлийн улмаас  гарсан усны алдагдал нь барилгын бусад хийц, бүтээцэд  аажимдаа нөлөөлж  эвдрэлд оруулдаг  гэсэн үг. Гал дээшээ дэгддэг бол ус доошоо урсдаг. Жишээлбэл, ус нь доод давхруудын тааз, хана, шалны засалд нөлөөлнө. Мөн цахилгааны монтажид  нөлөөлж богино холболт үүсгэн  галынаюулыг бий болгох эрсдэлтэй байдаг. Барилгын хийц, бүтээцэд  нэвчсэн ус, чийг нь нян бактер мөөгөнцөр үүсгэдэг. Ингэснээр хүний эрүүл мэндэд муугаар нөлөөлж эхэлнэ.  Хамгийн гол нь барилгын үндсэн даацын хийцүүд болох буурь хөрс, суурь, хана, багана, дам нурууны насжилтыг багасгана. Учир нь ус чийгэд нэвчсэн хийц, бүтээц нь хавар болон намрын улиралд олон удаагийн хөлдөлт гэсэлтэд орсноор эвдрэлд ордог юм. Ингэснээр засварын зардал нэмэгдэж энэ нь барилгын компаний санхүүгийн чадавхид нөлөөлж байдаг. 

Тиймээс сантехникийн системийг сайн чанартай материалаар чанартай сайн  угсарч гүйцэтгэх ёстой юм. Барилгын үндсэн даацын хийц болон засал чимэглэлийг чанартай сайн материал ашиглаж барьсан байлаа гээд тэр барилга чанартай сайн  гэсэн үг биш шүү дээ. Тэгэхээр барилгын чанар  нь  барилга бүтээцийн  судас болсон сантехник ямар  байгаагаас их хамаардаг гэж ойлгож болно.  

Гүйцэтгэгч байгууллага, хэрэглэгчид хоолой, холбох хэрэгслээ сонгохдоо юун дээр анхаарах ёстой вэ? Монгол дахь энэ төрлийн зах зээлийн нөхцөл байдлыг хэрхэн харж байна вэ? 

Мэдээж бараа материалын чанарыг анхаарах хэрэгтэй. Одоогоор Монголын барилгын зах зээл дээр маш олон төрлийн  хоолой холбох хэрэгслүүд  худалдаалагдаж байна.  Хятад, Солонгос, Турк, Герман,  Польш, Орос гэх мэт  улс орнуудаас оруулж ирэхээс гадна Монголдоо ч үйлдвэрлэж байгаа бараа бүтээгдэхүүн ч  байна.  Мэдээж энэ бол сайн хэрэг.  Зах зээлийнхээ хуулиар бол өрсөлдөөн байснаар чанартай нь танигдах боломжийг олгодог. Сангийн бүтээгдэхүүнийг шууд хараад чанартай  чанаргүй гэж тодорхойлох боломжгүй,   угсарсны дараа л  чанар нь танигддаг  онцлогтой шүү дээ.  Энэ ч утгаараа  үйлдвэрлэгч компаниуд бараа бүтээгдэхүүнийхээ  чанарыг баталгаажуулан Олон Улсын чанарын сертификат, гэрчилгээ авахаас гадна чанарын  баталгаа гаргаж өгдөг. Тэгэхээр барилгын компаниуд аль болох чанарын баталгаа, гэрчилгээнүүдээр баталгаажсан бараа бүтээгдэхүүнийг сонгох нь чухал юм. 

Мөн мэргэжлийн байгууллага болон лабораторын туршилт тохирлын гэрчилгээгээр баталгаажсан эсэхийг харах хэрэгтэй. Хэрэглэгчид болон ашиглалт засварын мэргэжилтнүүдээс санал, зөвлөгөө авах нь зөв юм.  Тэд чинь жинхэнэ  чанарыг тодорхойлогч  субъектууд шүү дээ. Мөн бараа материалын үнэ өртөг, угсралтын технологи болон нийлүүлэгч байгууллагын барааны сонголт, нөөц, цаашид найдвартай үйл ажиллагаа явуулах эсэхийг нь маш сайн судлах хэрэгтэй гэж зөвлөмөөр байна. 

Үнийн хувьд авч үзэхэд барилгын зах зээл дээр янз бүрийн үнийн төвшинтэй  бараа бүтээгдэхүүнүүд байна. Хямд, дундаж, өндөр үнэтэй  нь ч байна.  Зах зээл дээр  ямар үнээр  өрсөлдөх вэ? гэдэг нь тухайн үйлдвэрлэгч юм уу, нийлүүлэгч компанийн стратеги бодлогын асуудал. Тиймээс стратеги ямар байхаас хамаараад  чанартай бараа бүтээгдэхүүнийг өндөр үнээр,  дундаж үнээр аль эсвэл хямд үнээр борлуулж болно. 

 Чанаргүй барааг  өндөр үнээр ч, дундаж үнээр ч, хямд үнээр ч борлуулж болно гэсэн үг л дээ. Энэ утгаараа үнэ гэдэг бол маш өргөн хүрээтэй харьцангуй ойлголт юм. Үнэтэй гэхээр чанартай, хямд гэхээр чанаргүй байдаг гэсэн явцуу ойлголт биш. Өнөө үед “ Чанарыг дагаад үнэ  “гэсэн уламжлалт  ойлголт өөрчлөгдөж чанартай байхаас гадна зах зээл дээр өрсөлдөж чадахуйц  дундаж, хямд үнийг тогтоох боломжтой гэж үзэх чиг хандлага бий болж байна. Манай компанийн хувьд энэ чиг хандлагыг баримтлан  үнийн бодлогоо хэрэгжүүлдэг.

Хуванцар хоолой дэлхийн дахинд төдийгүй Монголд хэр өргөн хэрэглэж байна вэ? Хуванцар хоолойн давуу болон сул тал нь юу вэ? 

Дэлхий нийтээрээ төмөр шугамаас татгалзаж зэс болон нерж, хуванцар хоолой холбох хэрэгсэл өргөн ашиглах болсон. Монголд PPR, PVC, XL, PPC, РЕ гэх мэт олон төрлийн хуванцар хоолой холбох хэрэгслүүд  орж ирээд  15 - 20 гаруй  жил  болж байна. Эдгээр нь  угсрах арга, хэрэглэх багаж хэрэгсэл, угсралтын  хугацаа, даралт даах чадвар  зэргээрээ өөр хоорондоо ялгаатай, мөн давуу сул талуудтай байдаг. Сүүлийн үед технологийн дэвшлийг дагаад сантехник угсралтын салбарт ч гэсэн шинэ дэвшилтэт технологиуд нэвтэрч байна. Ялангуяа үүнийг  Япон, Солонгос зэрэг улс орнууд эрчимтэй нэвтрүүлж  байна.  

Жишээлбэл, Солонгосын  цэвэр ус, халаалтын РВ (polybuteleny) хоолой холбох хэрэгсэл нь технологийн дэвшлийг харуулсан   “PUSH-  FIT систем”  буюу түлхэх аргаар угсрагддаг. Физик, хими, механик үзүүлэлтээрээ хамгийнсайн “Рolybuteleny”  түүхий эдээр хийгдсэн бүтээгдэхүүн юм. “РВ хоолой холбох хэрэгсэл” гэж зах зээл дээр танигдсан. Угсралт энгийн хялбар, хоолой нь зэврэхгүй нян бактер үүсгэхгүй, хөлдөлт ба халууныг тэсвэрлэх чанар өндөр, дулаан дамжуулах  чанар өндөр , бат бөх, удаан эдэлгээтэй, эдийн засгийн өндөр үр ашигтай  гэсэн олон давуу талуудтай. 

Энэхүү бүтээгдэхүүнийг БНСУ-ын “Жонсан Эган“ компанид үйлдвэрлэдэг бөгөөд манай компани албан ёсны эрхтэйгээр Монголын зах зээлд нийлүүлсээр 10 гаруй жил болж байна. Солонгосын чанарын менежментийн гэрчилгээ, Технологи шинэчлэлийн гэрчилгээ, Өндөр үр ашгийн гэрчилгээнүүдээс гадна ISO-9001, АНУ, Орос, Хятад, Япон, Англи, Канад, Австрали, Бразил зэрэгулс орнуудын эрүүл ахуйн болон чанарын гэрчилгээ сертификатуудаар баталгаажин Олон Улсын хэмжээнд хүлээн зөвшөөрөгдсөн бүтээгдэхүүн юм. 2008 онд Монгол улсын стандартаар (MNS- ISO 2008)  батлагдаж Монгол улсад хүлээн зөвшөөрөгдсөн. 

Энэ хугацаанд 30 гаруй барилгад РВ хоолой холбох хэрэгслийг нийлүүлсэн байна. Цэвэр ус болон усан эргэлттэй шалны халаалтын системээр угсрагдсан байгаа. Сүүлийн үед барилгын компаниуд  чанарыг их анхаарах болсон нь бидний хувьд маш том давуу тал болж байна. “Чанар” гэсэн шаардлагыг хангаж байгаадаа сэтгэл хангалуун байна.     

Цаашдаа Монголд шинээр ямар дэвшилтэт технологийг нэвтрүүлэх вэ?  

Бид  өнөөг хүртэл цэвэр усны РВ хоолой холбох хэрэгсэл болон усан эргэлттэй шалны халаалтын системийг борлуулах чиглэлээр үйл ажиллагаагаа явуулж ирсэн. Энэ хугацаанд барилгын компаниуд биднийг гүйцэтгэгчээр оруулж угсруулах сонирхолтой байгааг олж мэдсэн. Энэ хэрэгцээ шаардлагыг хангах зорилгоор бид  бие даан сантехник угсралтын ажил гүйцэтгэхээр төлөвлөж байна. Энэ ажлын хүрээнд эхний ээлжид сангийн угсралтын зөвшөөрлөө авсан байгаа. Ажиллах хүчин, бараа бүтээгдэхүүний нөөц гэх мэт бусад бэлтгэл ажлуудаа ханган ажиллаж байна.  

Мөн бид галд тэсвэртэй  CPVC  галын хоолой  холбох хэрэгслийг зах зээлд нэвтрүүлэх гэж байна. Сүүлийн үед хэрэглэгчийн эрэлт хэрэгцээ богино хугацаанд маш хурдан хувьсан өөрчлөгдөж байгаа учраас үүнийг дагаад технологи ч бас маш хурдтай хөгжиж байна. Цаашдаа бид бүтээгдэхүүн үйлчилгээндээ дэвшилтэт шинэ технологийг цагалдалгүй нэвтрүүлэн хөгжүүлэх бодлого барьж байна. Энэ ажлын хүрээнд усан эргэлттэй шалны халаалтын системийг автомат удирдлагатай болгох тал дээр  ажиллаж байна.

Манай компанийн хамт олон хэрэглэгч харилцагчдадаа бүтээгдэхүүн үйлчилгээний “Чанарыг эрхэмлэнэ” “Боломжийн үнийн санал тавина” “Маш сайн үйлчилгээ зөвлөгөө үзүүлнэ” “Хурдтай байна” гэсэн үнэ цэнийг хүргэхийг зорьдог. Тиймээс бид Монгол Улсын барилгын салбарын хөгжилд бодит хувь нэмэр оруулж чадна гэдэгтэй бүрэн итгэлтэй байна.  

вэб сайт:  https://aikangmonkor.barilga.mn/